- قارجىلاي جۇكتەمەنىڭ تومەندەۋى كوپ بالالى جانە از قامتىلعان وتباسىلارعا, جەتىم جانە اتا-انا قامقورىنسىز قالعان بالالارعا جانە تۇرعىنداردىڭ الەۋمەتتىك جاعىنان از قامتىلعان بولىگىنە جاتاتان باسقا دا ازاماتتارعا, سونىمەن قاتار, بيۋدجەتتتىك سالا قىزمەتكەرلەرىنە قاتىستى, - دەپ ناقتىلادى بەردىبەك ساپارباەۆ.
قايرات التىنبەكوۆ اقتوبە وبلىسىندا باستاپقى جارنانى 20-دان 10 پايىزعا تومەندەتۋ وبلىس اكىمدىگى 2 ملرد تەڭگە بولگەننىڭ ارقاسىندا مۇمكىن بولعانىن اتاپ ءوتتى.
- جەرگىلىكتى بيلىككە قولداۋ كورسەتكەندەرىڭىز ءۇشىن العىس ايتامىز, - دەدى «باسپانا» يۇ باسقارما توراعاسى.
بۇگىنگە دەيىن 7-20-25 باعدارلاماسىمەن ءۇي الۋعا اقتوبە وبلىسىنىڭ تۇرعىندارىنان 1 165 ملن تەڭگە سوماسىنا تۇرعىنداردان 137 ءوتىنىش ءتۇستى, ونىڭ 758 ملن تەڭگەگە 88-ءى ماقۇلداندى.
مەموراندۋمعا اقتوبەدە پارتيا حاتشىسى تامارا دۇيسەنوۆانىڭ توراعالىعىمەن وتكەن «نۇر وتان» پارتياسىنىڭ باستاۋىش ۇيىمدارىنىڭ ءبىرىنشى وڭىرلىك فورۋمى بارىسىندا قول قويىلدى. وعان استانادان, ماڭعىستاۋ, باتىس قازاقستان جانە اتىراۋ وبلىستارىنان كەلگەن دەلەگاتتار قاتىستى. بارلىعى 200-دەن اسا ادام.
قاتىسۋشىلارمەن امانداسقان بەردىبەك ساپارباەۆ باستاۋىش پارتيالىق ۇيىمدار – بۇل پارتيانىڭ بارلىق شەشىمدەرىن ءىس جۇزىندە جۇزەگە اسىراتىن نەگىزگى قۇرال ەكەنىن اتاپ ءوتتى.
- پارتيانىڭ جەتىستىكتەرى مەن تابىستارى باستاۋىش پارتيالىق ۇيىمداردىڭ ءتيىمدى ءىس-ارەكەتىنە تىكەلەي بايلانىستى. بۇگىندە اقتوبە وبلىسىنداعى پارتيانىڭ بولىمشەلەرى 457 باستاۋىش پارتيالىق ۇيىمداردا تىركەلگەن 44 مىڭنان اسا ادامنىڭ باسىن بىرىكتىرىپ وتىر. سوعان قاراماستان, ءبىز ەڭبەك ۇجىمدارىندا جاڭا «باستاۋىش» ۇيىمداردى قۇرۋ جۇمىستارىن جالعاستىرىپ جاتىرمىز. جالپى, پارتيا جوبالارىنىڭ, ونىڭ توراعاسى – ەلباسى نۇرسۇلتان ءابىش ۇلى نازارباەۆتىڭ تاپسىرمالارىنىڭ ورىندالۋى ۇنەمى باقىلاۋدا.ء بىز ولاردىڭ ۋاقىتىندا ءارى ساپالى جۇزەگە اسىرىلۋىن قامتاماسىز ەتەمىز, - دەدى «نۇر وتان» پارتياسىنىڭ اقتوبە وبلىستىق فيليالىنىڭ توراعاسى, وبلىس اكىمى بەردىبەك ساپارباەۆ.
ول ءوزىنىڭ بايانداماسىندا پرەزيدەنتتىڭ بەس الەۋمەتتىك باستاماسىن جۇزەگە اسىرۋعا باسا نازار اۋداردى.
- پرەزيدەنت باستاماسى اقتوبەلىكتەر تاراپىنان كەڭ قولداۋ تاپتى. «7-20-25» باعدارلاماسى وبلىستىڭ 24 مىڭ تۇرعىنىنا بۇرىن-سوڭدى بولماعان ءتيىمدى شارتتارمەن باسپانالى بولۋعا مۇمكىندىك بەرەدى. سالىق جۇكتەمەسىنىڭ تومەندەۋىمەن 68 مىڭ اقتوبەلىكتىڭ ەڭبەكاقىسى 9 پايىزعا ءوستى. ستۋدەنتتەرگە سەگىز جاتاقحانا سالىناتىن بولادى. شوب-ءتى شاعىن نەسيەلەۋگە قوسىمشا 2 ملرد تەڭگە اۋدارىلدى, ياعني مىڭداعان اقتوبەلىك ءوز ءىسىن اشا الادى, - دەپ حابارلادى وبلىس اكىمى فورۋم قوناقتارىنا.
ءوز كەزەگىندە, پارتيا حاتشىسى تامارا دۇيسەنوۆا پارتيا جوبالارى مەن مەملەكەت باسشىسىنىڭ بەس الەۋمەتتىك باستاماسىنىڭ اقتوبە وبلىسىندا جۇزەگە اسىرىلۋىنا جوعارى باعا بەردى.
- بۇدان بۇرىن ساياسي كەڭەس وتىرىسىندا تانىستىرىلعان پارتيانىڭ بارلىق 24 جوباسى اقتوبە وبلىسىندا جاقسى وتۋدە, ءسىزدىڭ بارلىق ۇيىمدارىڭىز جاقسى جۇمىس جاساپ جاتىر. سونداي-اق, اقتوبە وبلىسى «باسپانا» يپوتەكالىق ۇيىمىنىڭ جوبالارىن جۇزەگە اسىرۋدا دا رەسپۋبليكا بويىنشا كوش باسىنداعىلاردىڭ بەستىگىندە. بۇگىن يپوتەكالىق نەسيەلەۋگە قول جەتكىزۋدى كەڭەيتۋ تۋرالى مەموراندۋمعا قول قويىلدى. وسى يدەيانى قولداعاندارىڭىز ءۇشىن راحمەت, - دەدى ت.دۇيسەنوۆا.
